Pinananatili ng gobyerno ang community quarantine sa buong bansa sa magkakaibang antas ngayong Hulyo upang pigilan coronavirus outbreak.

Inaprubahan ni Pangulong Duterte ang bagong community quarantine status sa bansa na inirekomenda ng government task force na namumuno sa pagtugon ng pandemya, ayon sa Presidential Spokesman Harry Roque.

Mananatili ang Metro Manila, Rizal, at Bulacan sa general community quarantine (GCQ) ‘with some restrictions’ mula July 1 to 15. Habang ang Laguna at Cavite ay sasailalim GCQ ‘with heightened restrictions’ hanggang sa kalagitnaan ng Hulyo.

Ang mga lugar sa ilalim ng modified enhanced community quarantine (MECQ), ang pangalawa sa apat na lockdown levels, mula Hulyo 1 hanggang 15 ay ang mga sumusunod:

National

#WalangPasok: Class suspensions ngayong Biyernes, Sept. 20

1. Cagayan
2. Apayao
3. Bataan
4. Lucena City
5. Puerto Princesa
6. Naga
7. Iloilo City
8. Iloilo
9. Negros Oriental
10. Zamboanga del Sur
11. Zamboanga del Norte
12. Cagayan de Oro City
13. Davao City
14. Davao Oriental
15. Davao Occidental
16. Davao de Oro
17. Davao del Sur
18. Davao del Norte
19. Butuan City
20. Dinagat Islands
21. Surigao del Sur

Mga iba pang lugar sa ilalim ng GCQ hanggang Hulyo 30 ay ang mga sumusunod:

1. Baguio City
2. Ifugao
3. City of Santiago, Isabela
4. Nueva Vizcaya
5. Quirino
6. Batangas
7. Quezon
8. Guimaras
9. Aklan
10. Bacolod City
11. Negros Occidental
12. Antique
13. Capiz
14. Zamboanga Sibugay
15. City of Zamboanga
16. Iligan City
17. General Santos City
18. Sultan Kudarat
19. Sarangani
20. Cotabato
21. South Cotabato
22. Agusan del Norte
23. Surigao del Norte
24. Agusan del Sur
25. Cotabato City

Ang natitirang bahagi ng Pilipinas ay mananatili sa ilalim ng modified general community quarantine (MGCQ) para sa buwan ng Hulyo.

Sa ilalim ng quarantine rules, sinabi ni Roque na pinapayagan mag-operate ang mga gym at fitness center sa Metro Manila, Rizal at Bulacan na may kapasidad na hanggang 40 porsyento.

Ang operasyon sa indoor sports ay papayagan hanggang 50 porsyento na kapasidad.

Sa tatlong GCQ areas, ang mga museo at historical sites ay maaaring mag-operate hanggang 40 porsyento na kapasidad na papailalim sa minimum health standards. Personal care katulad ng mga salon at beauty clinics ay pinapayagan sa 50 porsyento lamang para sa serbisyong hindi nangangailangang tanggalin ang face masks.

Pinapayagan din ang indoor dining na may 40 porsyento na kapasidad, outdoor dining na may 50 porsyento, at outside tourist attractions na may 50 porsyento na kapasidad.

Sa Laguna at Cavite, inirekomenda ng IATF na ang mga fitness centers, indoor sports, courts, museums at iba pang historical sites ay hindi pinapayagang mag-operate habang nasa GCQ ‘with heightened restrictions.’ Pinapayagan ang indoor dining na may 20 porsyento na kapasidad habang ang outdoor dining ay 50 porsyento.