Bukas sa pagtakbo bilang bise presidente sa halalan sa susunod na taon si Pangulong Duterte kung hindi magiging masikip ang karera.
Kanyang weekly address sa bansa nitong Lunes ng gabi, Hunyo 28, inamin ng Pangulo na ang pagtakbo bilang bise presidente ay “not a bad idea” ngunit ito ay nakadepende kung mayroon “space” para sa kanya sa botohan.
#WalangPasok: Class suspensions ngayong Biyernes, Sept. 20
Matatapos ang pangulo sa kanyang anim na taong termino sa susunod na taon at ipinagbabawal ng konstitusyon na humingi ng re-election. Gayunpaman, ang politikal party ni Duterte ay humiling sa kanya na tumakbo sa pagka-bise presidente at piliin ang standard bearer.
“It’s not at all a bad idea,” ayon kay Duterte sa kanyang televised address.
“If there is a space for me, then siguro. Pero kung wala akong space, everybody is crowding up, wanting to be one, vice president, sila na lang muna kasi tapos na ako,” aniya.
Inamin ni Duterte na kung anumang vice presidential run ay nakadepende kung sino ang kanyang presidential candidate para sa 2022 eleksyon.
“There are things I would like to continue and that would be dependent on the President that I would support. Kasi kung mag-vice president ako, kalaban ko kontra partido kagaya ni (Senator Manny) Pacquiao salita nang salita na three times tayo mas corrupt.” dagdag pa niya.
Matatandaan na hinamon ni Duterte si Pacquiao na patunayan ang kanyang mga paratang na may katiwalian sa gobyerno, kung hindi siya ay mangangampanya laban sa kanya sa halalan sa susunod na taon.
Ipinag-kibit-balikat ng pangulo ang pangako ni Pacquiao na magbibigay ng bahay sa lahat sa loob ng anim na taon, sinabi niya na si Pacquiao ay “dreaming.”
Nauna nang sinabi ng Pangulo na hindi siya tatakbong bise presidente sa susunod na taon kung si House Majority Leader Martin Romualdez ang makakatunggali niya para sa puwesto.
Inamin ni Duterte na ang pagtakbo sa pagka-bise presidente ay “good idea” dahil mayroon pa siyang unfinished business.
Nauna nang nangako ni Duterte na tatanggalin ang iligal na droga at katiwalian nang tumakbo siya bilang pangulo noong 2016.
Nang maglaon ay inamin niya ang kahirapan sa pagkamit ng mga target na ito dahil sa mga problema at sa pagkakasangkot ng ibang mga public servants.
