Galing! Teacher mula Cordillera pinarangalan ng Thailand’s Princess Maha Chakri Award-Balita

Isang Pilipinong teacher ang kabilang sa mga tumanggap ngayong taon ng Princess Maha Chakri Award, isang biennial international award na layong kilalanin ang mga outstanding teachers mula sa 10-nation Southeast Asian bloc at Timor Leste, na gumawa ng malaking bahagi sa buhay ng mag-aaral.

Inanunsiyo ng Department of Education (DepEd) nitong Linggo, Hunyo 13, ang parangal kay Marcelo T. Otinguey, na kasalukuyan nagtuturo bilang Head Teacher V ng Governor Bado Dangwa Agro-Industrial School sa Benguet.

“Pagbati (Congratulations), Sir Marcelo T. Otinguey! SDO (Schools Division Office) Benguet, Cordillera Administrative Region, 2021 Princess Maha Chakri Awardee,” pagbabahagi ng DepEd sa isang Facebook post nitong Linggo.

Kinilala ng Princess Maha Chakri Award (PMCA) Foundation si Otinguey bilang isa sa mga outstanding teachers mula sa Association of Southeast Asian Nations (ASEAN) at Timor Leste “whose dedication and internationally recognized achievements have resulted in significant impact on the students’ lives and a better education system.”

Si Otinguey ay nagtapos ng Bachelor of Secondary Education (BSEd) sa Benguet State University at may Master’s degree in Education-General mula sa Baguio Central University.

Binanggit ng PMCA Foundation ang pakilala kay Otinguey “for obtaining the Certification of Recognition as School Brigada Eskwela Coordinator by the Deped Cordillera, and the Certificate of Appreciation by Southeast Asian Ministers of Education Organization (SEAMEO) on the video produced for the Massive Open Online Course (MOOC) Teach On:Keeping the Passion Alive.”

Mula 2015, taunang pumipili ang PMCA Foundation, katuwang ang Ministry of Education mula ASEAN at Timor Leste ng outstanding teacher na dedikado sa kanyang trabaho at nagresulta ng malaking epekto sa buhay ng mga estudyante.

Kabilang sa mga kinilalang guro ng PMCA ngayong taon sina Pengiran Haji Mohd Wahab bin Pengiran Haji Abdullah ng Brunei, Norn Dary ng Cambodia, Khoiriah, M.Pd. ng Indonesia, Sengphet Khounpasert ng Laos, Kyaw Zin Aung ng Myanmar, Norhailmi Abdul Mutalib ng Malaysia, Yok Joon Meng ng Singapore, HA Anh Phuong ng Vietnam, Pratin Leanchumroon ng Thailand, at Vicente Marcal da Silva ng Timor Leste.

Charissa Luci-Atienza

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...