Nadagdagan pa ng isang weightlifter ang mga atletang Pinoy na pasok na sa darating na Tokyo Olympics.
Ito'y matapos na mag-qualify ang isa sa mga young prospect sa weightlifting na si Elreen Ando sa pamamagitan ng continental quota para sa women’s minus-64 kg division.
Inilabas ng International Weightlifting Federation ang listahan nitong Sabado ng umaga.
Ang 22-anyos na si Ando ay nakatipon ng kabuuang 2634.9334 points upang pumuwestong ika-12th sa kanyang division.
At suwerte namang may apat na entries ang Europe sa top 9 kung kaya nawala ang nasa 10th at 11th spots na pawang mga European din na sina Lisa Marie Schweizer at Anni Teija Vuohijoki ayon sa pagkakasunod.
Manny Pacquiao, nag-ceremonial first pitch sa gitgitan ng Yankees at Athletics
Manggagaling si Ando mula sa dalawang-silver, isang-bronze finish sa nakaraang 2020 Asian Weightlifting Championships.
Sasamahan niya ang 4-time Olympian na si Hidilyn Diaz na sasabak sa -55kg division.Sa kabuuan, mayroon ng labing-isang atleta ang Pilipinas na sasabak sa darating na Olympics, kasama sina boxing flyweight Carlo Paalam, middleweight Eumir Marcial, flyweight Irish Magno at featherweight Nesthy Petecio; gymnast Caloy Yulo; pole vaulter EJ Obiena; taekwondo finweight Karl Barbosa; rower Cris Nievarez at skateboarder Margie Didal.
Marivic Awitan
