DOLORES, Quezon - Isang tricycle driver ang napatay at nasugatan naman ang asawa nito matapos silang pagbabarilin ng dalawang hindi nakikilalang lalaki sa kanilang bahay sa Barangay Sta. Lucia, nitong Linggo ng gabi.
Dead on arrival sa San Pablo District Hospital si Jonathan Cuevas Gaurano, 30, taga-Sitio Balete, dahil sa mga tama ng bala sa iba't ibang bahagi ng katawan.
Sugatan naman ang asawa nito na kinilala ng pulisya na si Rhealou, 25, account officer ng isang bangko, dahil din sa mga tama ng bala sa katawan.
Kaagad na tumakas ang dalawang suspek na nakilalang sinaJoal Baquiran, alyas Dupi, at Christian Baquiran, alyas Banak, pawang taga-Sitio, Bangkong Kahoy, Bgy. Kinabuhayan ng nabanggit na bayan.
Mastermind sa pagpatay sa mag-asawang online seller, kumpare raw ng mga biktima
Sa police report, matutulog na sana ang mag-asawa nang dumating ang dalawang suspek at tinawag si Jonathan, dakong 8:30 ng gabi.
Paglabas ng mag-asawa, bigla na lamang silang binaril ng dalawang suspek.
Nagsasagawa pa ng imbestigasyon ang pulisya upang madetermina ang motibo sa krimen.
Danny Estacio
