NUEVA ECIJA - Dead-on-the spot ang isang pinaghihinalaang drug pusher matapos umanong makipagbarilan sa mga tauhan ng Drug Enforcement Unit ng Lupao Police sa Barangay Parista ng naturang bayan nitong Miyerkules ng madaling-araw.
Pinangunahan ni Lupao Police chief, Capt. Ronan James Eblahan, ang operasyon laban kay Romnick Garcia, nasa hustong gulang, at taga-Bgy. San Josef Sur, Cabanatuan City.
Binentahan aniya ng iligal na droga ng suspek ang isa nilang pulis, gayunman, nakahalata umano na isang bitag lamang ang transaksyon kaya nagbunot ng baril at pinaputukan ang mga pulis.
Sinabi pa ng mga awtoridad na bumulagta ang suspek matapos makipagbarilan sa kanya ang mga awtoridad.
Catanduanes, niyanig ng magnitude 6.1 na lindol
Narekober sa pinangyarihan ng sagupaan ang isang Cal. 38 revolver na ginamit umano ng suspek, ilang pakete ng hindi pa madetermina na halaga ng shabu, tatlong basyo ng bala ng Cal. 9mm pistol, at marked-money.
Light Nolasco
