ni BETH CAMIA
Sa pagnanais na matiyak ang kaligtasan at kapakanan, hinihikayat ng Malacañang ang mga Overseas Filipino Workers na magpabakuna rin kung saang bansa man sila naroroon sa kasalukuyan.
Ang panawagan ay ginawa ni Presidential Spokesperson Harry Roque sa harap na rin ng pagnanais ni Pangulong Rodrigo Duterte na matiyak ang kaligtasan ng mga Pilipino sa ibayong-dagat.
Binigyang-diin ni Roque na sakop naman ang lahat ng pagbabakuna na ginagawa na rin naman ng halos lahat ng bansa sa buong mundo.
UP, top university pa rin sa Pinas; Iba pang paaralan sa bansa, pasok sa Asian ranking!
Paalala pa ng tagapagsalita ng Presidente, hindi kailanman maaaring masabing ligtas ang lahat kung hindi ligtas ang bawat isa.
Maaari namang makipag-ugnayan ang mga Pinoy na nasa abroad sa embahada ng Pilipinas para sa paghingi ng kailangang asiste sa pagbabakuna.
