ni MARY ANN SANTIAGO
Naturukan na rin si Department of Health (DoH) Secretary Francisco Duque III ng bakuna kontra COVID-19.
Naiulat na isinagawa ang pagbabakuna ng unang dose ng Sinovac vaccine kay Duque sa gym ng Department of Health (DOH) sa Maynila, kahapon dakong 10:00 ng umaga.
Dumaan muna umano ang kalihim sa screening process bago tuluyang bakunahan.
“As I receive my dose of the COVID-19 vaccine today, I invite everyone to do the same, and choose to be protected,” pahayag pa umano ni Duque, matapos mabakunahan.
Senior citizen na birthday celebrant, sinalpok ng 16-anyos na nagmamanehong lasing
“Let us all take part in protecting public health, and let us be in unison in spreading one message: that vaccines are safe, and vaccines are effective,” panawagan pa niya.
Matatandaan na si Duque, na isang senior citizen na, ay nagkaroon ng COVID-19 noon at kaagad din namang gumaling.
Isinagawa ang pagtuturok ng Sinovac nang aprubahan na ang paggamit ng naturang bakuna para sa mga senior citizen.
