7 bata, 6 pa, patay nang mahulog ang sinasakyang SUV sa irrigation canal-Balita

ni ZALDY COMANDA

TABUK CITY, Kalinga— Labing-tatlong katao ang nasawi at dalawa ang nakaligtas nang mahulog sa irrigation canal ang sinasakyang sports utility vehicle sa Bgy. Bulo, Tabuk City, Kalinga, nitong Linggo ng gabi.

Ayon kay Police Lt.Col. Radino Belly, hepe ng Tabuk City Police Station, isang black Ford Everest, na may plakang AAK 9184 na minamaneho ni Jail Officer 1 Soy Lope Agtulao, 36, ng BJMP District personnel na nakatalaga sa Bontoc District Jail, Bontoc, Mt. Province at taga-Cagubatan, Tadian, Mt.Province, ay may lulan na 14 katao na patungo sa Bulo Lake, nang aksidenteng mahulog sa irigasyon, dakong alas 6:00 ng gabi.

Nagtulong-tulong, aniya, ang mga residente para maihaon ang lumubog na sasakyan.

SINUSUBUKAN ng mga awtoridad at ilang residente na maiahon ang Ford Everest na nahulog sa irrigation canal matapos umanong mawalan ng kontrol ang drayber sa sasakyan na may 15 pasaherong patungo sana sa isang tourist destination sa Tabuk City, Kalinga. (Larawan mula sa Tabuk City Police)

Dead on arrival sa Mija Kim Medical Center ang 11 sa mga ito. Habang binawian din ng buhay sa Kalinga Provincial Hospital ang dalawa pa sa mga pasahero.

Kinilala ang mga namatay na sina Soy Lope Agtulao, 36, kabilang ang dalawa nitong anak na sina Cydwin Lope Agtulao, 6, Cyan Lope Agtulao, 4, at kapatid nitong si Sony Puking Lope, 22, pawang taga-Bgy. Cagubatan, Tadian, Mt. Province.

Binawian din ng buhay ang ama nitong si Alfredo Cutit Lope, 59; Judilyn Talawec Dumayom, 31, kasama ang anak nitong sinaSeadarn Dumayom, 5, at Jeslyn Dumayom, 4;Remedios Longey Basilio, 56, anak nitong siJessibell Paycao, 27, at mga anak nitong sina Cedric Basilio Paycao, 4 at Scarlet Paycao, 3; atMarlo Gel Perena, 6, pamangkin ni Perez, pawang taga-Purok 1,Bgy. Bulanao, Tabuk City.

Himala namang nakaligtas sa aksidente ang isa pang anak ni Lope na si Cyril Lope Agtulao, 10, at Edith Andiso Perez, 51, na ngayon ay ginagamot sa ospital.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...