AFP
Isa sa tatlong tao na nakaligtas sa Covid-19 ay nagdurusa mula sa isang neurological o psychiatric diagnosis ng anim na buwan, ayon sa pinakamalaking pag-aaral sa ngayon na nailathala sa epekto sa pag-iisip ng matagal na Covid sa mga nakaligtas.
Mga motorista sa China, ‘naulanan’ ng dumi ng tao mula sa isang sumabog na pipeline
Sinabi ng mga may-akda na ang pananaliksik, na nakalimbag noong Miyerkules sa The Lancet Psychiatry journal, ay nagpatunay na ang mga pasyente ng Covid-19 ay mas malamang na magkaroon ng mga kondisyon sa utak kaysa sa mga dumaranas ng iba pang impeksyon sa respiratory tract.
Pinag-aaralan ang mga tala ng kalusugan ng higit sa 230,000 mga pasyente na nakabawi mula sa Covid-19, natuklasan nila na 34 porsyento ang nasuri na may kondisyon na neurological o psychiatric sa loob ng anim na buwan.
Ang pinakakaraniwang mga kondisyon ayang anxiety o pagkabalisa (17 porsyento ng mga pasyente) at mood disorders (14 porsyento).
Para sa 13 porsyento ng mga pasyente ang mga karamdaman ay ang kanilang unang pagsusuri ng isang isyu sa kalusugan ng isip.
Ang insidente ng neurological disorders tulad ng pagdurugo ng utak (0.6 porsyento), stroke (2.1 porsyento) at dementia (0.7 porsyento) ay mas mababa sa pangkalahatan kaysa sa mga karamdaman sa psychiatric ngunit ang panganib para sa mga karamdaman sa utak ay karaniwang mas mataas sa mga pasyente na may malubhang Covid-19.
Sinuri din ng mga may-akda ang datos mula sa higit sa 100,000 mga pasyente na nasuri na may trangkaso at higit sa 236,000 na na-diagnose na mayroong impeksyon sa respiratory tract.
Natagpuan nila na mayroong pangkalahatang 44 porsyento na mas mataas na peligro ng mga diagnosis sa neurological at mental health pagkatapos ng Covid-19 kaysa sa pagkatapos ng trangkaso, at 16 porsyentong mas mataas ang peligro kaysa sa mga impeksyon sa respiratory tract.
Si Paul Harrison, nangungunang may-akda mula sa University of Oxford, ay nagsabi na habang ang indibidwal na peligro ng neurological at psychiatric orders mula sa Covid-19 ay maliit, ang pangkalahatang epekto sa buong populasyon ng buong mundo ay maaaring "substantial".
"Many of these conditions are chronic," aniya.
"As a result, health care systems need to be resourced to deal with the anticipated need, both within primary and secondary care services."
