ni Light A. Nolasco
Hindi nakalusot sa mga awtoridad ang isang driver, at tatlo nitong kasamahang helper matapos matiyempuhan na nagpa-pot-session' sa nakaparadang truck sa gilid ng highway sa Barangay Calipahan, Talavera, Nueva Ecija makaraang magsagawa ng Oplan Sita ang pulisya nitong Lunes ng madaling-araw.
Huli sa akto sina Bryan, 36, driver, helper na sina Crispin, 31, ng Bgy. Calipahan, Mark, 20, at Dexter, ng Bgy. Gomez, Sta. Rosa, NE habang nagsisibatak ng shabu sa loob ng truck na nakaparada, dakong 4:30 ng madaling-araw.
Sa ulat ni PLt.Col. Heryl L. Bruno, acting police chief ng TMPS kay Mayor Nerivi Santos-Martinez, nagsasagawa ng anti-criminality Oplan Sita ang mga tauhan ni Lt.Col. Bruno nang maaktuhanang mga suspek sa loob ng sasakyan na nagpa-pot-seesion.
Truck na naghatid ng mga balota sa Bukidnon, nahulog sa bangin; isa patay!
Isa-isang pinagdadampot ang mga ito na nakuhanan ng dalawang sachet ng shabu, tatlong disposable lighters, toother, aluminum foil strip at gunting sa truck.
Kasong paglabag sa Section 5 at 12 ng Article 2, RA 9165 ang isinampa laban sa mga nasakoteng suspek na nasa kostudiya na ng istasyon ng pulisya.
