LONDON (AFP) — Tatlumpung kaso ng bihirang pamumuo ng dugo ang naitala sa Britain sa mahigit sa 18 milyong katao na binakunahan ng AstraZeneca, sinabi ng national medicines regulator noong Biyernes.
"The benefits of the vaccines against Covid-19 continue to outweigh any risks," sinabi ng Medicines and Healthcare products Regulatory Agency (MHRA), hinihimok angpublikp na patuloybna tanggapin ang bakuna.
Hanggang 24 ng Marso, 22 na ulat ng cerebral venous sinus thrombosis (CVST) at walong iba pang mga kaganapan sa thrombosis na may mababang platelet ang naitala.
"The risk of having this specific type of blood clot is very small," banggit ng ahensiya.
Ex-US Pres. Joe Biden may 'aggressive form' ng prostate cancer
"The number and nature of suspected adverse reactions reported so far are not unusual in comparison to other types of routinely used vaccines," saad sa MHRA online statement.
Gayunpaman walang ganoong mga ulat para sa bakunang Pfizer / BioNTech.
Sinabi ng ahensya na ang pagbabakuna ay ang pinakamahusay na paraan upang mabawasan ang bilang ng mga namatay at malubhang karamdaman mula sa coronavirus.
Ang Netherlands noong Biyernes ay naging pinakahuli sa hanay ng mga bansa sa Europe na inihinto ang pagbabakuna ng AstraZeneca para sa mga taong wala pang 60 taong gulang sa gitna ng mga pangamba sa mga pagkakaugnay sa mga bihirang pamumuo ng dugo.
Ang European Medicines Agency (EMA), na dati ring idineklarang ligtas ang bakunang AstraZeneca, tulad ng World Health Organization, ay inaasahang ipahayag ang updated advice tungkol sa isyu sa Abril 7.
Sinabi muli ng EMA noong Miyerkules na naniniwala itong ligtas ang bakuna at ang mga eksperto ay walang natagpuang tiyak na mga kadahilanan sa peligro tulad ng edad, kasarian o kasaysayan ng medikal.
Ang Britain, kung saan ang bakuna ay binuo ng University of Oxford, ay naging isa sa mga bansa na pinakamatinding tinamaan ng coronavirus na may halos 127,000 na namatay.
