ni Mary Ann Santiago
Inaprubahan na ng Toll Regulatory Board (TRB) ang provisional toll rate para sa mga motoristang dadaan sa Skyway Stage 3 (Skyway 3).
Ayon kay TRB Spokesperson Julius Corpuz, para sa Class 1 vehicles, kinakailangang magbayad ng P30 kung mula Sta. Mesa hanggang Ramon Magsaysay Avenue; P129 kung mula Ramon Magsaysay Avenue hanggang Balintawak at P264 kung mula Buendia hanggang Balintawak.
Para sa Class 2 vehicles, kinakailangang magbayad ng P210 kung mula Buendia hanggang Sta. Mesa; P258 kung mula Ramon Magsaysay Ave. hanggang Balintawak at P528 kung mula Buendia hanggang Balintawak.
Sa Class 3 vehicles naman, kinakailangang magbayad ng P315 kung mula Buendia hanggang Sta. Mesa; P90 mula Sta. Mesa hanggang Ramon Magsaysay Ave.; P387 kung mula Ramon Magsaysay Ave. hanggang Balintawak at P792 kung mula Buendia hanggang Balintawak.
'Underage pa po ako!' Raoul Manuel, humirit sa 'R.M.' na posibleng tandem ni VP Sara sa 2028
Paglilinaw naman ng TRB, ang pag-apruba nila sa provisional toll ay hindi nangangahulugan na mag-uumpisa na sa pangongolekta ang Skyway 3.
Gayunman, sinabi ng TRB na hihintayin muna ng Skyway ang ibibigay nilang authority to collect bago makapangolekta ng toll.
