AFP
Si Prince Harry ng Britain - na madalas na nakakabangga ng British press - ay inihayag noong Miyerkules bilang isang komisyoner para sa isang pag-aaral sa US sa maling impormasyon sa online.
Ethan David sa 'grooming' issue: 'I was the 13 yrs old being referred to!'
Ang non-profit na Aspen Institute ay nagsabing ito ay “honored” na makasama ang Duke of Sussex bilang isa sa 18 miyembro ng “Commission on Information Disorder.”
Ang anunsyo ay dumating isang araw matapos maging “chief impact officer” si Harry sa life-coaching startup na BetterUp sa San Francisco habang idinagdag niya ang kanyang lumalagong portfolio ng mga trabaho mula nang magbitiw sa mga tungkulin sa reyna noong nakaraang taon.
Bilang bahagi ng pag-aaral ng Aspen, ang 36-taong-gulang na si Harry ay tutulong na magsagawa ng isang anim na buwan na pagsisiyasat sa misinformation at disinformation sa American digital world na magsisimula sa Abril.
Nilalayon ng komisyon na matukoy ang pinakamalaking sanhi ng pagbabahagi at pagkalat ng maling impormasyon at makahanap ng mga solusyon upang matulungan ang gobyerno, pribadong sektor at sibil na lipunan na tumugon.
“The experience of today’s digital world has us inundated with an avalanche of misinformation, affecting our ability as individuals as well as societies to think clearly and truly understand the world we live in,” sinabi ni Harry sa isang pahayag.
“It’s my belief that this is a humanitarian issue -- and as such, it demands a multi-stakeholder response from advocacy voices, members of the media, academic researchers, and both government and civil society leaders,” idinagdag niya. Ang prinsipe ay malamang na ibabahagi ang kanyang sariling mga karanasan ng media coverage sa kanyang buhay sa komisyon.
Sinabi ni Harry sa US talk show host na si James Corden noong nakaraang buwan na iniwan niya ang buhay royal at lumipat sa United States kasama ang asawang si Meghan Markle dahil ang British press ay sinira ang kanyang kalusugan sa pag-iisip.
Matagal nang nagkaroon ng mahirap na ugnayan ang prinsipe sa mga tabloid ng Britain, na sinisisi ang panghihimasok ng press sa pag-ambag sa pagkamatay ng kanyang ina na si Princess Diana sa car crash noong 1997. Si Harry at Meghan ay nagsampa ng maraming demanda laban sa mga pahayagan at noong nakaraang Abril ay sinabi sa mga tabloid ng Britain na tinatapos nila ang lahat ng kooperasyon sa kanila dahil sa “distorted, false or invasive” na mga istorya. Mula nang iwan ang kanilang mga tungkulin bilang mga working royals, pumirma sina Harry at Meghan ng lucrative digital media deals upang mapakinabangan ang kanilang katanyagan - isa upang mag-produce ng content para sa Netflix, at isa pa upang magpresinta ng mga podcast para sa Spotify.
Naninirahan sila sa California kung saan nila inilunsad ang wide-ranging non-profit organization na pinangalanang Archewell.
Ang kanilang explosive interview kay Oprah Winfrey nitong buwan -- kung saan sinabi nila na isang hind pinangalanang royal ang nagtanong kung gaano kaya kaitim ang balat ng kanilang isisilang na anak -- ay inilubog ang monarchy sa biggest crisis nito simula nang mamatay si Diana.
