ni Marivic Awitan
NASUNGKIT ng Filipino karateka na si James De Los Santos ang kanyang ika-10 gold medal ngayong 2021 makaraang magwagi sa E-Karate World Series Edition 2.
Sa pagkakataong ito, nagwagi si De Los Santos sa finals sanhi ng di-inaasahang pangyayari kontra sa pambato ng South Africa na si Silvio Cerone-Biagioni.
Hindi inaprubahan ng mga hurado ang routine na dapat gagawin ni Cerone- Biagioni sa gold medal round kung kaya iginawad sa video performance ni De Los Santos ang forfeiture win.
'Matagal ko nang pinapangarap ‘yon!' Alex Eala, naging emosyonal nang tugtugin Lupang Hinirang sa 2025 SEA Games
Dahil sa pangyayari, nauwi sa wala ang naunang mga panalo ni Cerone- Biagioni kontra kay Kevin Pfannenstiel sa Germany sa first round at Vasilakis Konstantinos ng Greece sa semifinals.
Nakakuha ng first round bye bago ginapi si world no. 2 Matias Domont ng Switzerland sa semis, nangako naman ang Pinay karateka na ipagpapatuloy ang laban para manatiling matatag sa kanyang kapit bilang world no.1 e-kata player.
“Nowhere to go but forward!” wika ni De Los Santos
