Ni MARY ANN SANTIAGO
Ikinaalarma na ni Manila Mayor Isko Moreno ang pagdami ng naitatalang kaso ng coronavirus disease 2019 (COVID-19) sa rehiyon, kung saan nakapagtala sila ng 196 katao na nagpositibo sa sakit sa loob lamang ng isang araw.
Ito aniya ang kauna-unahang pagkakataon na nangyari ito sa lungsod.
Ikinalungkot din ni Moreno na ang kasalukuyang occupancy rate ng six city-run hospitals na may 300 bed capacity sa kasalukuyan nasa 108 na o katumbas ng total na 36 porsiyento.
John Arcilla, pumalag sa mga ‘di sang-ayon sa dalawang kandidatong inendorso niya
Aniya, ang occupancy rate sa mga quarantine facility ay nasa all-time high na 61 porsiyento naman o 225 na mga pasyente ang umuokupa ng 371 bed capacity.
Aniya, ang napakataas na bilang na 196 na nagpositibo sa COVID-19 sa loob lamang ng isang araw ay kinumpirma ng mismong RT-PCR testing ng lungsod na ibinibigay ng libre sa lahat ng nais magpa-swab.
