Ni MARTIN SADONGDONG
Nailigtas ng pulisya ang apat na Intsik na biktima ng pagdukot sa ikinasang operasyon sa Quezon City at Mexico, Pampanga, na ikinaaresto ng apat na Chinese at pitong Pinoy na kasabwat ng mga ito, kamakailan.
ITCZ, easterlies patuloy na nakaaapekto sa PH — PAGASA
silang arestuhin sa Quezon City at Mexico, Pampanga, kamakailan.
(MARK BALMORES)
Sa pahayag ni Brig. Gen. Jonnel Estomo, hepe ng Philippine National Police-Anti-Kidnapping Group (AKG), nauna nilang inaresto sina Liang Khai Chean, isang Malaysian; Mou Yun Peng, isang Chinese; at Benjie Labor nang salakayin ang isang medical diagnostic center sa Amoranto St., Quezon City, nitong Pebrero 24.
Ayon kay Estomo, bago ang pagsalakay ay nakatanggap sila ng impormasyon mula sa isang diagnostics laboratory sa lungsod na isang Ming Xuanbo, umano’y biktima ng pagdukot, ang nakatakdang sumailalim sa swat test bago pa ito makabalik ng China.
Pagkatapos ng unang operasyon ay ibinunyag ni Ming na mayroon pang tatlong biktima ng pagdukot at itinago sa isang
safe house ng mga suspek sa Mexico, Pampanga na kaagad na sinalakay na humantong sa pagkakaligtas sa mga biktimang sina
Zhang Wei, Shi Li Wen, at Wu Xin, pawang Chinese, nitong Miyerkules ng gabi.
Naaresto rin sa naturang pagsalakay sina Zhang Jin Xu at Teryanto, kapwa Chinese; mga kasabwat na sina Jean Dominic, Keannu Louis Mateo, John Joderick Bautista, Ronald Allan Rosal, Lewis Yuson, at Mark Jeric Cruz.
Ipinahayag pa ni Estomo, pinahirapan ng mga suspek ang mga biktima kapalit ng malaking halaga.
Ang mga suspek ay nakakulong na ngayon sa PNP-AKG sa Camp Crame sa Quezon City habang inihahanda ang isasampang mga kaso.
