PINAGHARIAN ni PH youngest Arena Grandmaster Christian Gian Karlo Arca ng Panabo City, Davao del Norte ang katatapos na Battle of Sharp Kids Diamonds Arena Under- 18 online chess tournament sa lichess.org.
Ang Grade 6 student (Neptune) ng Panabo Central Elementary School ay nakapagtala ng total Arena points na 36 para makopo ang titulo sa event na sinuporatahan nina Bayanihan Chess Club founding chairman Engr. Antonio “Uncle Paps” Balinas at Bethesda, Maryland US based frontliner Dr. Joe Balinas, maging sina Bayanihan Chess Club board of directors Jimmy Reyes at Engr. Ernie Faeldonia at Mam Rhina Mallari Aristorenas na tampok ang 74 woodpushers.
“Masayang masaya po ako,” pahayag ni Arca na suportado ang kanyang local at international online chess campaign ni Atty. Jong Guevarra.
Tumapos si Karlycris Clarito Jr.ng Pasig City sa second place na may Arena 34 points, sa 10 minutes plus 2 seconds time control format na inorganisa ni FA/FT/AGM at NM Rudy Ibanez, na siya ring Worldwide Junior coordinator for Sharp Kids Diamonds Team.
Dalawang Pinoy mountaineers, sumakses sa tuktok ng Mt. Everest
Nasa third place si Darwin Villanueva Jr. ng Tanauan, Batangas na may Arena 32 points kasunod si fourth placer Jeremiah Yap Mendoza ng Santa Maria, Romblon na nakopo ang Arena 28 points.
