NASA tamang antas ang preparasyon ni Pinoy pole vaulter EJ Obiena para sa Tokyo Olympics.
Nitong weekend, pumuwesto lamang ang 24-anyos sa ikalima sa ginanap na Karlsruhe Indoor Meeting sa Germany, ngunit ang naitala ni Obiena ay sapat na para burahin ang Philippine record.
Ang unang Filipino athlete na nag-qualify sa Tokyo Olympics ay nagposte ng impresibong 5.62-meter na performance para lagpasan ang Philippine record na 5.43 meters na siya rin ang nagtala sa 18th International Pole Vault Meeting sa Postdam, Germany noong 2017.
Nagwagi ng gold medal si London Olympics champion Renauld Lavillenie ng France makaraang magtala ng 5.95 meters.Sinundan siya ni Matt Ludwig ng United States para sa silver medal sa kanyang naitalang 5.80 meters.
Nagwagi naman ng bronze ang isa pang Amerikanong si Walsh Cole na nagtala ng 5.72 meters parehas ng natalon ng fourth-placer na si Torben Blech ng Germany.
Legal team ni VP Sara, sisipot sa nakaambang 'Senate impeachment trial!'
Bagama’t bigong maka podium finish, ikinatuwa ni Philippine Athletics Track and Field Association president Philip Ella Juico ang naging performance ni Obiena. Naniniwala ang athletics chief na magandang simula ito sa pagbuo ng momentum sa pagsabak niya sa Summer Games.
“His performance really shows that he is already there and there’s no sign of any deterioration or anything. Regardless of all the problems brought by the pandemic, he has been able to adjust and we were able to support him properly. We’ll just continue to work hard,” pahayag ni Juico. Marivic Awitan
