TACLOBAN CITY – Patay ang dalawang senior citizen na magkapatid nang makulong sa nasusunog na bahay sa Sitio Utap, Bgy. Matlang, Isabel, Leyte, kamakailan.
Kinilala ni Isabel, Leyte Marshal Senior Fire Officer 4 (SFO4) Cosmelito Tante, ang dalawa na sina Estrelita Centino, 88 at Conegunda Wenceslao, 78, kapwa biyuda, at taga-nasabing lugar.
Sa imbestigasyon ni FO3 Kenneth Ian Villaflor, ang insidente ay naganap dakong 11:20 ng gabi ng Huwebes.
Posible umanong natumba ang ginagamit nilang lampara na naging sanhi ng sunog.
Probinsya
Misis na nagpapatulog ng sanggol, sinaksak sa batok ng lasing na kamag-anak!
Sa pagtaya ng arson investigator, aabot sa P50,000 halaga ng ari-arian ang natupok sa insidente na patuloy pa ring iniimbestigahan.
-Marie Tonette Marticio
