Nasa kustodiya na ng pulisya si Peter Joemel Advincula, alyas “Bikoy,” ang nagkumpisal na lalaking naka-hood sa kontrobersyal na, “Ang Totoong Narco-list” videos, kaugnay ng kinakaharap na kasong perjury.
Ito ang kinumpirma ni PNP spokesman Brig. Gen. Ildebrandi Usana.
Sumuko aniya ang 31-anyos na si ‘Bikoy’ sa Daraga Municipal Police Station sa Albay, nitong Huwebes, dakongh 12:35 ng hapon.
Nagpasya si ‘Bikoy’ na sumurender matapos na maglabas ng warrant of arrest si Judge Immaculada Concepcion Ylagan-Galang ng Manila Metropolitan Trial Court, Branch 17, sa nasabing kaso.
Agusan del Sur, nilindol ng magnitude 5.3
Inirekomenda ng hukuman ang piyansang P18,000 para sa pansamantalang kalayaan nito.
“The CIDG [Criminal Investigation and Detection Group] Provincial Field Unit of Albay served the warrant of arrest against Advincula, who was subsequently placed under custody of Daraga MPS after undergoing the mandatory booking procedure and documentation,” ayon kay Usana.
Ipinalabas ng korte ang arrest warrant nang mapatunayang nagsisinungaling ito sa hukuman “under oath” nang ihayag nito na nasa likod ng “Project Sodoma” o ang tangkang pagpapatalsik kay Pangulong Rodrigo Duterte sina Free Legal Assistance Group (FLAG) members and human rights lawyers Jose Manuel “Chel” Diokno, Lorenzo “Erin” Tanada III, at Theodore Te.
-Martin Sadongdong
