Inaprubahan na ng Food and Drug Administration (FDA) ang Phase 3 clinical trial application ng Janssen COVID-19 vaccine, na pagmamay-ari ng Johnson & Johnson.
Nilinaw ni FDA Director General Eric Domingo na ang naturang pag-apruba ay hindi pa rin garantiya na makakakuha ang Pilipinas ng supply sa naturang bakuna dahil wala naman aniya silang ganitong hinihinging requirement sa pag-apruba ng clinical trials.
Sa kabila nito, siniguro ni Domingo na beneficial o magiging kapaki-pakinabang sa mga Pinoy ang naturang clinical trials ng Janssen pagdating sa pagpapabilis ng regulatory approval kung mapapatunayang epektibo nga ang naturang bakuna.
“If this turns out to be a good vaccine, it will be easier for us to make authorization,” ani Domingo.
Casualties sa nagpapatuloy na “search and rescue” sa MV Trisha Kerstin 3, umakyat na sa 51
Una nang nakakuha ng pag-apruba mula sa Vaccine Experts Panel (VEP) at Ethics Review Board ang Janssen.
Ang VEP na nasa ilalim ng Department of Science and Technology (DOST) ang nagrerebyu sa Phase 1 at 2 clinical trials ng candidate vaccine habang ang Ethics Review Board naman ang nag-e-evaluate sa seleksiyon ng mga kalahok para sa human clinical trials.
Samantala, sinabi ni Domingo na nakabinbin pa ang aplikasyon ng Sinovac at Clover na kapwa bakuna rin sa COVID-19.
-Mary Ann Santiago
