Bumagsak ang emissions ng carbon sa rekord na pitong porsyento noong 2020 sa pagpatupad ng mga bansa ng mga lockdown at paghihigpit sa paggalaw sa panahon ng pandemyang Covid-19, sinabi ng Global Carbon Project noong Biyernes sa taunang pagtatasa nito.

Ang pagbagsak ng isang tinatayang 2.4 bilyong tonelada ay mas malaki kaysa sa nakaraang taunang rekord ng pagbaba, tulad ng 0.9 bilyong tonelada sa pagtatapos ng World War II o 0.5 bilyong tonelada noong 2009 sa kasagsagan ng krisis sa pananalapi.

Sinabi ng internasyonal na pangkat ng mga mananaliksik sa likod ng ulat na ang emissions mula sa mga fossil fuel at industriya ay halos 34 bilyong tonelada ng katumbas ng CO2 sa taong ito - isang makabuluhang tipak din ng natitirang “carbon budget” ng Earth. Ang mga pagbawas ng emisyon ay pinakanapansin sa United States (bumaba sa 12%) at European Union (bumaba ng 11%), sinabi ng Global Carbon Project.

Gayunpaman, sa China, sinabi nito na ang emissions ay malamang na bumagsak sa 2020 ng 1.7% lamang nang suportahan ng Beijing ang pagbangon sa ekonomiya nito.

Night Owl

Pagpapanatili ng mga Boses: Paano Pinoprotektahan ng NightOwlGPT ang mga Nanganganib na Wika

Sa mga sektor, ang mga emisyon mula sa transportasyon ay nagtala ng pinakamalaking bahagi ng pagbawas, na ang mga emisyon mula sa mga paglalakbay sa kotse ay nahuhulog ng halos kalahati sa tuktok ng unang alon ng Covid-19 noong Abril. Pagsapit ng Disyembre ang mga emisyon mula sa transportasyon sa kalsada ay bumagsak ng 10% taun-taon at ang mga emisyon mula sa pagpapalipad ay bumaba ng 40%.

Ang mga emisyon mula sa industriya - 22% ng kabuuang pandaigdigan - ay bumaba ng 30% sa ilang mga bansa na may pinakamalakas na mga hakbang sa lockdown. Sinabi ng pananaliksik, karaniwang ipiniprisinta sa panahon ng mga pag-uusap sa klima ng United Nations kung saan naantala sa taong ito hanggang 2021 dahil sa pandemya, na ang paglago ng global carbon emissions ay nagsisimula nang humina.

Emissions bumabawi na

Gayunman, nagbabala ang mga eksperto na maaga pa upang sabihin kung gaano kabilis bumawi ang emissions sa 2021 at higit pa.

Ang mga kalakaran sa pangmatagalang mga emisyon ay naiimpluwensyahan ng kung paano pinalalakas ng mga bansa ang kanilang mga Covid-19 recovery plans, sinabi nila. “All elements are not yet in place for sustained decreases in global emissions, and emissions are slowly edging back to 2019 levels,” sinabi ni Corinne Le Quere, climatologist sa University of East Anglia ng Britain. Sa ilalim ng kasunduan sa klima sa Paris, na nabuo ng mga bansa limang taon na ang nakakaraan hanggang ngayon, ang pagbawas ng emisyon na humigit-kumulang na 1 hanggang 2 bilyong tonelada ay kinakailangan taun-taon ngayong dekada upang malimitahan ang pagtaas ng temperatura sa “well below” 2C (3.6 Farenheit).

Nagbabala ang UN sa linggong ito na ang hindi pa nangyari na pagbagsak ng emissions sa 2020 ay magkakaroon ng “negligible” na epekto sa pangmatagalang mga trend ng pag-init kung walang pandaigdigang paglipat sa green energy.

Sinabi ni Philippe Ciais, mananaliksik sa Laboratory of Climate and Environment Sciences ng France, na kung walang pandemya malamang na ang carbon footprint ng malalaking emitter tulad ng China ay magpapatuloy na lumaki sa 2020.

“It’s a temporary respite,” sinabi niya sa reporters via video-link.

“The way to mitigate climate change is not to stop activity but rather to speed up the transition to low-carbon energy.” At ang pagbagsak ng emissions sa 2020 ay naisalinsa pagbawas sa mga antas ng polusyon ng carbon sa atmospera ng Daigdig, idinagdag ni Ciais. “What we really need to know is if investments linked to economic recoveries are going to create proper growth in low-carbon technologies and a tangible fall in emissions.”

Ang natitirang carbon budget ng Earth ay ang tinatayang dami ng emissions na maaaring higupin ng atmospera bago ang mga layunin sa klima sa Paris ay mawalan ng saysay.

Hindi kasama ang 2020, ang mga emisyon ay lumago bawat taon mula noong makasaysayang kasunduan ng 2015, at sinabi ng UN na dapat silang bumagsak ng 7.6% taun-taon sa hanggang 2030 upang maabot ang mas mapaghangad na Paris temperature cap ng 1.5C.

“Put simply, global emissions of carbon (even this year) continue to outstrip nature’s ability to lock it up,” sinabi ni Grant Allen, propesor ng Atmospheric Physics sa University of Manchester, na hindi kasangkot sa pagsasaliksik noong Biyernes.