ITINALAGA bilang head coach ng Gilas Pilipinas si Joseph “Jong” Uichico sa kampanya ng National Team sa International Basketball Federation (Fiba) Asia Cup qualifiers sa Nobyembre 27 - 30 sa loob ng isang bubble sa Manama, Bahrain.

Ito ang inihayag ng Samahang Basketbol ng Pilipinas (SBP) sa isang online news conference nitong Martes.

“The national team director is Tab Baldwin and the head coach is Jong Uichico,” ayon kay SBP President Al Panlilio.

Kasamang dumalo sa virtual media conference sina SBP Chairman Manuel V. Pangilinan,coach Tab Baldwin, special Assistant Ryan Gregorio at Uichico sa nasabing news conference.

Mentor era? John Amores, nagtuturo na ng 'shooting skills' sa aspiring players

Huling nag-coavh ng national team ang 58-anyos na si Uichico noong 2017 Southeast Asian Games sa Kuala Lumpur, ngunit naging kontrobersyal ang dating San Miguel Beer mentor nang mapasama sa ‘riot’ ng magkapikunan ang Gilas at Australia Team sa FIBA qualifier may dalawang taon na ang nakalilipas.

Inihayag din Panlilio ang appointments nina San Beda Red Lions head coach Boyet Fernandez at TNT Tropang Giga Assistant Coach Alton Lister bilang mga deputies ni Uichico.

“We might lack experience. Yes, we might lack some size, but the energy that they will give us will be a positive advantage that we can use in our games. They will give us the energy that we need,” ani Uichico, na naging coach ng national team 2002 Busan Asian Games.

Nakatakdang gabayan ni Uichico ang 16-player pool na binubuo nina Kobe Paras, ang kambal na sina Mike at Matt Nieto, Angelo Kouame, Isaac Go, Justine Baltazar, Dave Ildefonso, magkapatid na Juan at Javi Gomez de Liaño, Calvin Oftana, Will Navarro, Dwight Ramos, Kenmark Carino, Jaydee Tungcab, Rey Suerte at Allyn Bulanadi.

Ang Gilas ay kasama sa Bracket A kung saan kabilang din ang South Korea, Indonesia atThailand.

Una nilang haharapin sa second window ang Thailand sa Nobyembre 27 kasunod ang South Korea, Indonesia at muli ang Thailand sa apat na magkakasunod na araw mula Nobyembre 17.

Nakatakdang umalis ang koponan patungong Bahrain sa Linggo.