MATAPOS pahulaan kung sino ang popular stream band na isa sa mga special guests ni Asia’s Multimedia Star na si Alden Richards sa upcoming #Alden Reality The Virtual Reality Concert, last Friday ay ipinakilala na nga sila, walang iba kundi ang grupong December Avenue.
Katatapos lamang manalo ang December Avenue last month sa 2020 Box Office Entertainment Awards ng Guillermo Mendoza Memorial Scholarship Foundation as Most Popular Recording/Performing Group para sa kanilang song na Kundi Rin Lang Ikaw. Malapit sa puso ni Alden ang naturang awitin ng December Avenue, dahil ito ang theme song ng blockbuster movie na Hello, Love, Goodbye na ginawa nila ni Kathryn Bernardo para sa Star Cinema, na nagbigay din sa kanila ng award bilang Phenomenal Stars of Philippine Cinema dahil sa almost one billion box-office gross nito in July, 2019.
Sino kaya ang susunod na ipakikilalang special guest ni Alden sa concert na magaganap sa December 8, 9:00PM in the Philippines and abroad, in celebration ng 10th anniversary niya sa showbiz? Abangan!
-NORA V. CALDERON
