Ngayong Linggo, isa na namang makabuluhang do­kumentaryo ng “The Atom Araullo Specials” ang mapapanood kung saan tatalakayin ni Atom Araul­lo ang isyu ng kalusugan sa gitna ng pandemya.

Bago pa man magsimula ang COVID-19 pandemic, sinusundan na ni Atom ang kuwento ng isang albularyo sa Cavite na si Arturo Solon “Jesus Man” ang tawag niya sa kanyang sarili. Ang hindi na­katatayo, napapalakad daw niya. Ang may malubhang sakit, himala raw niyang napagagaling.

Kuwento ni Arturo, minsan na raw siyang namatay pero muli siyang nabuhay. Doon na raw nagsimula ang kanyang kapang­yarihang manggamot. Hindi lang siya sa kanyang kapilya pinipila­han ng mga umaasang gumaling sa iba’t ibang sakit dahil maging sa social media, libo-libo rin ang followers niya.

Tampok din ngayong Linggo si Evangeline na unang nakap­anayam ni Atom noong Pebrero. Sa isang araw, umiinom si Evangeline ng 18 capsule ng isang supplement para sa kanyang breast cancer. Pero sa halip na bumuti ang kala­gayan, tila lumala pa ang kaniyang kondisyon.

Pelikula

‘Lagot ka kay Bro!’ Zaijan Jaranilla, Jane Oineza nagsagpangan sa bagong pelikula

Ngayong may pandemya, tila sinasamantala rin ito ng mga sang­kot sa illegal na kalakaran. Sa mga nakalipas na buwan, sunod-sunod ang ginawang pagsalakay ng Na­tional Bureau of Investigation o NBI sa mga pinagtataguan ng mga hindi rehistradong gamot na para umano sa COVID-19.