Hinimokng chairman at chief executive officer ng Philippine Red Cross (PRC) na si Senator Richard Gordon ang lahat na magplano at maghanda para sa mga sakuna.

“Kailangan nating kumilos bilang mga taong may pag-iingat. If we don’t use our foresight, no government is big enough na kakayanin iyan,” sinabi ni Gordon sa Laging Handa public briefing nitong Huwebes.

Ayon kay Gordon, ang mga alkalde, barangay at mga tao ay dapat maghanda para sa mga sakuna.

Sinabi niya na dapat na lumikas ang mga tao bago dumating ang bagyo.

“Iyong property mababawi iyan, pero iyong buhay hindi na mababawi --iyon ang unang-una,” idinagdag niya, hinihimok sila na makipagtulungan.

Sinabi ni Gordon na ang mga nakatira sa mga baybaying lugar ay dapat na awtomatikong lumikas nang maaga, sa gayon ay hindi nila dapat hintayin na dalhin sila ng gobyerno sa mga mas tuyong lugar.

Nagbahagi rin si Gordon ng paghahanda sa sakuna na isinagawa ng PRC.

“We are always prepared volunteers. Marami tayong volunteers, sumama kayo para makatulong kayo,” sinabi niya, idinagdag na ito ay mayroong mga kinakailangang logistics tulad ng mga trak, amphibian, at payloader.

Sinabi ni Gordon na ang organisasyon ay nagsisilbi muna sa “most vulnerable, those who have really been affected, the poorest of the poor.”

Aniya, abala ang PRC sa mga operasyon ng pagsagip at pagtulong sa Marikina City, at sa mga bayan ng Rodriguez at San Mateo sa lalawigan ng Rizal.

Ang mga chapter nito sa Gitnang Luzon, Metro Manila, at Timog Luzon ay nakaalerto din para sa posibleng pag-apaw ng Laguna de Bay kapag nagsimulang maglabas ng tubig ang mga dam.