SA umiigting na pagsisikap sa buong mundo para bawasan ang maruming emissions mula sa pagkasunog ng mga tradisyunal na fuel tulad ng diesel, gasolina, natural gas, at karbon, ang mga siyentista sa mundo at iba pang mga mananaliksik ay nagsisiyasat ngayon ng iba pang mga mapagkukunan ng enerhiya para sa industriya, transportasyon, mga tanggapan at mga tahanan

Sa unang bahagi ng linggong ito, may balita mula sa London na ang international maritime industry ay nagmamadaling makahanap ng mga teknolohiya na mabawasan ang carbon-polluting emissions mula sa kanilang mga barko. Nagtakda ang United Nations ng mga layunin para shipping industry -- na ang kauna-unahang mga net-zero-emission na barko nito ay dapat na pumasok sa pandaigdigang kalipunan sa 2030.

Lumitaw ang hydrogen bilang isang nangungunang kandidato upang palitan ang mga fuel ngayon at ang oil major ng mundo na Royal Dutch ay inanunsyo ang kanyang pangako sa hydrogen bilang “advantaged over other potential zero-emissions fuels for shipping.”

Sa kasalukuyang yugto ng pag-unlad, ang hydrogen bilang fuel ay sumasakop ng mas maraming espasyo kaysa sa iba pang mga fuel, kayat ito mas umuubra, sa ngayon, na gamitin lamang para sa

mga barko sa mga maiikling paglalakbay, pati na rin sa bapor sa ilog. Mas magastos din itong i-prodyus kaysa sa low-sulfur fuel oil, isa pang posibleng kapalit ng mga fossil fuel ngayon sa na may mataas na carbon emissions.

Ang pandaigdigang kilusan para sa mas mababang mga emisyon ng carbon ay itinutulak din ng mga bansa tulad ng Norway na nag-utos na ang mga cruise ship at ferry na naglalakbay sa mga fjord nito ay dapat na walang emissions sa 2026.

Malugod nating tinatanggap ang mga hakbang na ito upang mabawasan ang polusyon sa carbon sa mundo, partikular ang pagtakda ng mga deadline. Ang China ang unang bansa na nagtakda ng deadline - 2060 - para sa kabuuang pagwawakas sa carbon emissions. Sinundan ito ng Japan na nagtakda ng deadline nito sa 2050.

At ngayon mayroon tayong dalawa pang mga petsa - 2030 na itinakda ng United Nations para sa shipping industry, at 2026 na itinakda ng Norway para sa lahat ng mga barkong naglalayag sa mga fjord nito.

Dinedebelop ngayon ang hydrogen para sa shipping sa buong mundo. Sa ngayon, ang hydrogen ay mas hindi gaanong siksik kaysa sa iba pang mga fuel, kayat kinakailangan na magdala ng higit pa para sa isang paglalayag. Kapag nalutas ang problemang ito, maaari rin itong maging isang pangunahing kapalit ng gasolina para sa mga airliner.