Isang development na nagmumula sa patuloy na COVID-19 pandemya ay ang malaking pagbagsak ng pang-industriya na aktibidad sa buong mundo, habang ang mga pabrika ay nakasara, milyun-milyong mga kotse ang hindi lumabas sa mga kalsada, at ang mga tao ay nanatili sa bahay sa mga lockdown na iniutos ng mga pamahalaan upang matulungan na pigilan ang pagkalat ng virus
Ngayong taon, ang Organization of Petroleum Exporting Countries (OPEC) na pinamunuan ng Saudi Arabia at iba pang mga bansa na nagpoprodukto ng langis sa pangunguna ng Russia ay nagbawas sa produksyon ng 90.7 milyong bariles bawat araw (BPD), halos 10 porsyento ng global supply.
Ngunit sa pagpapabuti ng sitwasyon, inaasahan ng OPEC na tumaas ang demand ng langis sa mundo sa susunod na ilang taon. Dapat itong tumalon sa 97.7 milyong BPD sa susunod na taon, 2021, sinabi ng OPEC. Dapat itong umabot sa 99.8 milyong BPD sa 2023, at lumago sa 102.6 milyon sa 2024. Inaasahan na ang pag-plateau ng demand sa langis ng mundo sa huling bahagi ng 2030, pagkatapos ay magsimulang bumaba.
Kahit na ang nangungunang mga suppliers ng langis sa buong mundo ay sinuri ang sitwasyon na nagresulta mula sa pandemya, isang kilusan ang inilunsad ng isang internasyonal na pangkat na nag-aalala ng krisis sa klima sa buong mundo. Nanawagan ito sa mga gobyerno at mamamayan na bawasan ang emissions ng greenhouse gas sa kalahati sa susunod na dekada at maabot ang net-zero carbon polusyon sa taong 2050.
Kinondena ng mga nagsasalita sa TED (Technology-Entertainnmen-Design) na libreng na-stream sa buong mundo ang mga kumpanya na nagpapayaman mula sa maruming mga fossil fuel; kasama na ang mga bansa at kumpanya ng OPEC. At nanawagan sila sa mga tao na gamitin ang kanilang kapangyarihan sa pagboto upang pumili ng mga opisyal na unahin ang pagtigil sa krisis sa klima; iisnabin nito United States President Donald Trump na binalewala ang mga pahayag na ang climate change ang nasa likod ng mga sunog na ngayon ay kumakalat sa kanluran ng US.
Idinagdag ni Pope Francis ang kanyang boses sa kilusan upang itigil ang dumaraming pinsala sa kapaligiran. Ang krisis sa klima ay totoo at dapat na agad na harapin sa mga paraang makatarungan sa lipunan, aniya. “The earth must be worked and nursed, cultivated and protected.”
Ang organizers ng event na tinatawag na “Countdown” ay nagtakda ng isang layunin ng pakilusin ang mga pamahalaan at mamamayan upang mabawasan ang mga emissions ng greenhouse gas sa kalahati sa susunod na dekada at zero na polusyon sa taong 2050. Noong nakaraang buwan, ginulat ng Pangulo ng China na si Xi Jinping ang mundo nang inihayag niya sa UNGeneral Assembly na sisimulan na ngayon ng China ang pagbawas sa carbon emissions nito at tatapusin ang kanyang net contribution sa pagbabago ng klima pagsapit ng 2060.
Ito ay kabilang sa mga pinakabagong ulat na nauugnay sa mga fossil fuel at pagbabago ng klima sa buong mundo. Kinikilala natin sa Pilipinas ang matinding paghihirap na bawasan ang ating pagsandal sa mga fossil fuel upang mapatakbo ang ating mga industriya, subalit ginagawa natin ang ating bahagi sa pamamagitan ng pagdebelop ng renewable energy tulad ng wind power at sunlight power farms.
