Pananagutin ng pamahalaan ang mga opisyal ng Philippine Health Insurance Corp. (PHilHealth) na sangkot sa pangungurakot sa ahensya.
Ito ang tiniyak kahapon ni Presidential spokesman Harry Roque at sinabing ‘zero tolerance’ ang administrasyon ni Pangulong Rodrigo Duterte laban sa korapsyon.
Inilabas ni Roque ang pahayag nan mag-trending sa social media ang hashtag,”’Wag kalimutan ‘yung binulsang 15 billion sa PhilHealth challenge”.
Hindi rin aniya pababayaan ng pangulo na magpatuloy pa ang korapsyon sa PhilHealth.
Usec. Castro sa umano’y ex-VP Leni vs VP Sara: 'Aksyon vs Bakasyon?'
“There is no let-up in our drive to make erring officials of the Philippine Health Corporation (PhilHealth) accountable for their alleged misdeeds. Zero tolerance against corruption is not just a catchphrase but a serious matter in the current administration,” aniya.
Pinaplantsa na aniya ng Department of Justice (DOJ) sa pamamagitan ng PhilHealth Task Force nito, ang reklamo na nakatakdang isumite sa pangulo bago maisampa sa hukuman.
-Argyll Cyrus B. Geducos
