Habang abala sa pakikipag-agawan sa Speakership si Speaker Alan Peter Cayetano kay Marinduque Rep. Lord Allan Velasco, inihayag ng Kamara na isang miyembro ng kanyang staff ang nagpositibo sa coronavirus disease 2019 (COVID-19).

Sa panayam, sinabi ni House Secretary General Jose Luis Montales na ang staff ni Cayetano ang ika-80 kaso ng COVID-19 sa Kapulungan.

Ayon kay Montales, ang tauhan ng Speaker ay nagreport pa sa trabaho noong Setyembre 14-18.

Isinailalim sa pagsusuri o testing ang babaing staff ni Cayetano matapos makaramdam ng panghihina ng katawan, sakit ng ulo, sipon at pagkawala ng pang-amoy at panlasa.

Sa 80 kaso aniya, nasa 14 ang aktibo ang mga kaso. Sampung kasapi ng Kapulungan ang nagpositibo sa virus, ang pinakahuli ay si Garbiela Party-list Rep. Arlene Brosas.

Kaufman, napatanong; kung may nakaisip bang imbestigahan umano'y drug-related killings sa Marcos admin

Dalawang kongresista naman ang namatay, sila ay sina Senior Citizens Party-list Rep. Francisco Datol at Sorsogon Rep. Ditas Ramos.