Aminado si President Donald Trump na sinubukan niyang bawasan ang kaseryosohan ng banta mula sa COVID-19 sa simula ng pandemya sa mga audio recording na inilabas nitong Miyerkules mula sa mga panayam sa beteranong US journalist na si Bob Woodward.

“I wanted to always play it down,” sinabi ni Trump sa panayam ni Woodward noong Marso 19, ayon sa isang CNN preview ng librong “Rage,” na ilalathala sa Setyembre.

“I still like playing it down, because I don’t want to create a panic,” sinabi niya sa pag-uusap kasama si Woodward, na inirekord.

Ilalabas walong linggo bago ang presidential election sa Nobyembre 3, ang paghahayag ay nagdagdag ng bagong pressure kay Trump. Ipinapakita ng mga opinion poll na dalawang katlo ng mga Amerikano ang hindi pabor sa kanyang pagtugon sa virus at siya ay madalas na akusahan ng pagmamaliit sa krisis upang subukan at mapalakas ang kanyang pagkakataong muling mahalal.

Sa pagsasalita sa mga reporter sa White House, tinuligsa ni Trump ang libro bilang “another political hit job” at sinabi kung minaliit man niya ang COVID-19 ito ay upang maiwasan ang isang “frenzy.” “The fact is I’m a cheerleader for this country, I love this country and I don’t want people to be frightened,” sinabi niya.

“I’m not going to drive this country or the world into a frenzy,” aniya. “We have to show leadership and the last thing you want to do is create a panic.”

Gayunpaman, ang “Rage” ay magbibigay ng sariwang bala sa mga Democrat na nangatwiran na nabigo si Trump na ihanda ang mga Amerikano para sa kalubhaan ng pagsiklab ng coronavirus o upang akayin sila sa isang tamang pagtugon.

Sa mga panayam kay Woodward, nilinaw ni Trump na nauunawaan niya sa umpisa na ang virus ay nakamamatay - mas mapanganib kaysa sa ordinaryong trangkaso.

Gayunpaman, sa publiko, paulit-ulit na sinabi ni Trump sa mga Amerikano sa mga unang linggo sa simula ng 2020 na ang virus ay hindi mapanganib at mawawala nang kusa.

“He knew how deadly it was,” sinabi ni Democratic presidential challenger Joe Biden habang nangangampanya sa Michigan. “He lied to the American people. He knowingly and willingly lied about the threat it posed to the country for months.” Ngunit suportado si Trump ng iginagalang na infectious diseases expert na si Anthony Fauci, na patuloy na sinabi sa publiko na ang coronavirus ay nangangailangan ng isang matigas na tugon - kahit na ang pangulo ay tila may sinasabi na iba.

“I don’t recall anything that was any gross distortion in things that I spoke to him about,” aniya sa Fox News. Masigasig si Trump na pigilan ang bansa “down and out,” sinabi ni Fauci. Ang bilang ng mga namatay sa US mula sa COVID-19 ay inaasahang malapit nang lumagpas sa 200,000.

Paulit-ulit na iginiit ng pangulo na matagumpay niyang napangasiwaan ang pandemya.

Itinuro niya ang maagang mga desisyon na ipagbawal ang paglalakbay mula sa China, kung saan unang lumitaw ang virus, at mula sa mga hotspot sa Europe.