MATAPOS ang dalawang panalo sa Japanese Tour, target ni Fil- Japanese Yuka Saso na makamit ang minimithing ‘major title’ sa JLPGA.
May pagkakataon ang 23-anyos na si Saso sa paglahok sa Y200 milyon JLPGA Championship Minolta Cup na umarangkada kahapon. Ang Fil-Japanese ace ang kasalukuyang nangunguna sa ‘money race ‘ sa 132- player field na kinabibilangan ng pinakamagagaling at pinakamahusay na golfer sa region’s premier ladies circuit.
Ayon sa ulat, pinili ni Japanese star Momoko Ueda, pang-anim sa nakaraang British Women’s Open, na lumahok dito kaysa LPGA Tour’s second major – ang ANA Inspiration – na nakatakdang idaos din sa linggong ito sa Rancho Mirage, California, upang makaharap si Saso.
Kabilang din sa malalaking pangalan sa circuit sina 16-time JLPGA winner Ai Suzuki, si Golf5 tilt runaway winner Sakura Koiwai, at Earth Mondahmin Cup champion Ayaka Watanabe.
'Pikon daw?' UAAP fan na nag-dirty finger, agaw-eksena sa San Juan Arena!
Gayunman, hindi pahuhuli o ituturing na isang pushover si Saso bagamat siya ay may rookie tag. Pinatunayan ng ICTSI-backed bet ang kanyang galing sa unang bahagi ng kanyang kampanya, ang kanyang power game na nagpabilib sa iba pang mga magagaling na manlalaro.
Bert de Guzman
