LAKE BUENA VISTA, Florida — Binawi ni James Harden sa ispesyal na block shot sa krusyal na sandali ang malamyang opensa, habang tumipa si Russell Westbrook ng 20 puntos para sandigan ang Houston Rockets kontra sa dating koponan na Oklahoma City Thunder, 104-102, nitong Miyerkoles (Huwebes sa Manila) sa Game Seven ng kanilang Western Conference first-round series.
Makakaharap ng Rockets ang top seeded Los Angeles Lakers sa best-of-seven semifinals na magsisimula sa Biyernes (Sabado sa Manila).
Nagsalansan si Robert Covington ng 21 puntos at 10 rebounds, habang kumana si Eric Gordon ng 21 puntos at tumapos si Harden na may 17 puntos at siyam na assists.
HEAT 116, BUCKS 114
Aberya ng ACMs, dahil sa init ng panahon—Comelec
Naisalpak ni Jimmy Butler ang dalawang free throws matapos ma-foul sa buzzer ni Giannis Antetokounmpo para sandigan ang Miami Heat sa makapigil-hiningang panalo sa Milwaukee Bucks at makaabante sa 2-0 sa Eastern Conference semifinal series.
"In the judgment of the officials, the foul occurred, I guess, at some point when he landed," pahayag ni Milwaukee coach Mike Budenholzer. "In the judgment of the officials, there was enough to warrant a foul."
Nanguna sa Goran Dragic sa Miami na may 23 puntos. Nabalwwala naman ang 29 puntos at 14 rebounds ni Antetokounmpo.
