TARLAC CITY – Sampung katao ang dinakip ng pulisya matapos na lumabag sa curfew dahil sa ipinaiiral na community quarantine sa Barangay San Manuel ng nasabing lungsod, nitong Huwebes ng gabi.
Kaagad na ikinulong at nahaharap sa kasong paglabag sa Republic Act 11332 (Mandatory Reporting of Notifiable Diseases and Health Events of Public Health Concern Act) sina Ernest Christian Espiritu, 26; Ashley Von Emrick Nano, 20; Elton John Mark Pangilinan, 30; John Rhenly Pascual, 21; pawang taga-Bgy. San Anton, San Leonardo, Nueva Ecija; Dominador Malong, Jr., 25; John Paul Manalo, 28, taga-Amucao, Tarlac City.
Inaresto rin sina Jhon Llyod Fernandez, 21, taga- San Manuel, Tarlac City; Augosto Muyrung, 41; Benjie Yang, 27; at John Lester Tababa, taga-Kapanikian, La Paz, Tarlac.
Dakong alas 10:00 ng gabi habang nagbabantay ng checkpoint sina Police Staff Sergeant Dennis Vicente, Police Corporals Francioso D. Fronada, Jr. at Mark Anthony Canlas ay namataan nila ang mga suspek sa sinasakyan nilang tricycle at motorsiklo sa oras ng curfew kaya inaresto ang mga ito.
