Binalaan ng Food and Drugs Administration (FDA) ang publiko sa pagbili at paggamit ng hindi rehistradong gamot na may topical uses, water purifier at body thermometer na nagkalat ngayon sa merkado, maging sa online.
Ayon sa FDA Advisory No. 2020-1263-A, matapos ang Post marketing Surveillance,sinabi ng ahensiya na hindi dumaan sa proseso ng registration at hindi nabigyan ng Certificate of Product Registration (CPR), kaya hindi tiyak ng FDA ang kalidad at kaligtasan o bisa ng mga gamot na kinabibilangan ng VJ’s Aciete De Manzanilla 50mL; VJ’s Aciete De Manzanilla 25mL; VJ’ Bkc Chloride 25mL; Benzalkonium Chloride (Tincture 100% Solution); Aciete de Manzanilla 25mL; Salicylic Acid Solution 10% 25mL; at Cherry Pure Mineral Oil 25mL.
Nagbabala rin ang ahensya na huwag tangkilikin at gamitin ang “Allen Water Purifier Filtration Membrane – 5 Stages Water Purification” dahil hindi umano ito dumaan sa proseso ng rehistrasyon at ebalwasyon kaya hindi sigurado kung ligtas na gamitin at kung may hatid na panganib sa kalusugan.
Inihayag din nito, hindi dapat bilhin o gamitin ng publiko ang “Forehead Thermometer TG8818A” na nakasulat sa foreign characters na ibinebenta sa merkado.
Binatilyong hiniwalayan umano ng jowa, nagpatiwakal!
Lumitaw sa isinagawang post-marketing surveillance, walang product registration at hindi dumaan sa evaluation process ang nasabing produkto.
-Bella Gamotea
