TUGUEGARAO, Cagayan – Kinumpirma ni Medical Center chief, Dr. Glenn Mathew Baggao na nasa 21 na nagpositibo sa coronavirus disease 2019 (COVID-19) ang naka-confine ngayon sa Cagayan Valley Medical Center (CVMC).
Kabilang aniya rito ang apat na bagong pasyenteng may virus kung saan kasama ang isang 57-anyos na lalaki mula sa Catugan, Lallo na mayroong travel history sa bansang Abu Dhabi, United Arab Emirates.
Naka-admit din sa CVMC ang 43 taong gulang na lalaki na taga- Bayabat, Amulung, Cagayan. Isang Locally Stranded Individual mula sa Makati City.
Kabilang din na nasa pangangalaga ng ospital ang isang 46 -anyos na lalaki na taga-Zone 2, Temblique, Baggao. Ito ay nanggaling ng Batasan sa Quezon City at dumating sa Cagayan nitong Hulyo 4.
Binatilyong hiniwalayan umano ng jowa, nagpatiwakal!
Pang-apat na dinala sa CVMC ay ang pasyente na 41-anyos na babae, taga-Zone 2, Imurung, Baggao. May travel history mula Malabon at nakauwi ng Cagayan nitong Hulyo 5.
Na-swab test ito at nagpositibo sa virus, kahit ito ay asymptomatic o walang nakitang sintomas ng sakit.
Sa kabuuan ay 10 ang taga-Cagayan kung saan 2 sa Bayabat, Amulung; 1 sa San Roque, Enrile; 1 ng Cataggaman Nuevo, Tuguegarao City; 1 sa Cagumitan, Tuao; 2 sa Maggalad East, Enrile; 1 sa Catugan, Lal-lo; 1 sa Temblique, Baggao at 1 sa Imurung, Baggao.
Aabot naman sa 11 ang mula sa Isabela na kinabibilangan ng dalawang galing ng Lullutan, Ilagan City; isa sa Bagong Tanza, Aurora; tatlo sa San Juan, Quezon; isa sa Barucboc, Quezon; dalawa sa Casibarag, Cabagan; isa sa Santos, Quezon, Isabela; at isa sa Bliss Village, Ilagan City.
-Liezle Basa Iñigo
