Ibinunyag ni National Security Adviser Hermogenes Esperon Jr. nitong Lunes na ang implementing rules and regulations (IRR) ng bagong lagda na Anti-Terrorism Act of 2020 ay inaasahang mailalabas sa loob ng 90 araw matapos itong magkabisa.
Sinabi ni Esperon, magsisilbing concurrent vice chairperson ng Anti-Terrorism Council (ATC), na kailangan ang IRR para sa “proper and effective” implementation of the law.
“’Yung ating IRR ay naaayon sa Section 54 ng ating Anti-Terrorism Act na bago at kailangan ilabas ito within 90 days,” sinabi ni Esperon isang panayam sa telebisyon.
“Kailangan natin ito dahil dapat magkaroon ng proper at effective implementation ng mga programa dahil ito ay talaga namang very technical at kailangan ang units na involved ay... mabuo at ang mga tao na nakasama sa organization ay mabigyan ng written designation’” dagdag niya.
Sa ilalim ng Section 54 ng Anti-Terrorism Act, ang ATC --na pumumunuan ni Executive Secretary Salvador Medialdea-- at ang Department of Justice (DOJ) “shall promulgate the rules and regulations for the effective implementation of this Act within ninety (90) days after its effectivity.”
