NITONG nakaraang March 15, ang opisyal na unang araw ng mandatory community quarantine sa buong Metro Manila at ilang parte ng bansa at gaya ng problema ng nakararami ay kung paano nga ba gagawing makabuluhan ang mga sandali na pananatili sa kani-kanilang tahanan.
Nagbahagi ng kaalaman kung paano maiiwasan ang paglaganap ng COVID-19 si Legal Wives star Alice Dixson sa kanyang social media.
Samantala, sa pag-e-exercise naman ginugol ng co-star ni Alice na si Megan Young ang first day ng community quarantine kasama ang kanyang asawa na si Love of my Life star Mikael Daez.
Bukod kay Alice at Megan, abangan din sina Bianca Umali at Kapuso Drama King Dennis Trillo sa kaabang-abang na kwento ng isang lalaki na may tatlong asawa sa Legal Wives.
GMA Network, binulaga ng reklamong estafa mga opisyal ng TAPE, Inc.
Bilang doble pag-iingat na rin dahil nagdadalang-tao ang asawa na si Max Collins, naisipan ni First Yaya star Pancho Magno na sa paglilinis na lang ng kanilang tahanan gamitin ang kanilang oras.
Inaabangan na kasi ang first on-screen tambalan nina Kapuso Primetime Queen Marian Rivera at Gabby Concepcion sa upcoming GMA series na First Yaya.
Hindi man makalabas ay nakahanap pa rin ng paraan ang Unang Hirit hosts na sina Joyce Pring at Juancho Trivino upang makapagsimba sa pamamagitan ng online streaming.
Naaliw naman ang netizens kay The Boobay and Tekla Show host na si Boobay kasama ang kaibigan nitong si Ate Guy nang i-recreate nila ang ilang classic Filipino films sa kanilang social media accounts.
Samantala, nakagawa naman ng online trend ang Queen of Creative Collaborations na si Heart Evangelista kung saan dine-decorate ng mga netizens ang kanilang face masks ng mga sosyal na decorations gaya ng branded ribbon at gem stones matapos mag-post si Heart ng kanyang face mask na may tatak na mamahaling brand.
Bukod sa paghihikayat sa mga netizens na mag-face mask, pinili rin ni Heart na mag-relax at magpahinga na lang sa bahay kasama ang kanyang mga alagang aso.
Sa oras ng sakuna, tandaan na ang pagiging maingat at masunurin ang maglalayo sa atin mula sa kapahamakan. Yun na!
-MERCY LEJARDE
