OPISYAL ng tinapos ng pamunuan ng National Collegiate Athletic Association (NCAA) ang kanilang ika- 95 taon.

Sa unang pagkakataon makaraan ang 58 taon, napilitan ang NCAA na tapusin ang kanilang season kahit may mga nalalabi pa silang mga events.

Dahil na rin sa pinagdadaanang krisis sa bansa dulot ng coronavirus (COVID- 19) napilitan ang NCAA policy board na tuluyan ng i-terminate o tapusin ang Season 95.

Nabuo ang desisyon kahapon. matapos ang isang teleconference ng mga presidente ng mga miyembrong NCAA schools na kinabibilangan ng Arellano University, Colegio de San Juan de Letran, De La Salle-College of Saint Benilde, Emilio Aguinaldo College, Jose Rizal University, Lyceum of the Philippines University, Mapua University, San Beda University, San Sebastian College- Recoletos, at University of Perpetual Help System DALTA.

Mikee Cojuangco-Jaworski, chair ng Coordination Commission ng Brisbane 2032

“The National Collegiate Athletic Association (NCAA) has announced through the Policy Board of Season 95 President Francisco Cayco of Season Host Arellano University that NCAA Season 95 is terminated,” ayon sa statement na inilabas ng liga. “This was arrived at after consulting the Policy Board members.

“First and foremost that was considered was the safety of the athletes, students, fans, and officials.”

Kabilang sa mga events nAC hindi natapos at hindi na naidaos ay ang indoor volleyball, football, lawn tennis, soft tennis, track and field, under-15 basketball, beach volleyball at cheerdance competition.

Ang mga events na natapos na ay ang basketball, chess, swimming, table tennis, taekwond at demo sport na 3×3 basketball.

Magkakaroon muli ng isa pang pagpupulong ang pamunuan ng liga upang pag-usapan naman ang posibleng extension sa eligibility ng mga graduating student-athletes.

Ang huling pagkakataon na naganap ang ganitong pangyayari ay noong school year 1962-63 sanhi ng awayan ng mga miyembrong eskuwelahan dahil sa player eligibility.