MAARING tuluyan ng ikansela ng pamunuan ng National Collegiate Athletic Association(NCAA) ang lahat ng mga nalalabi pa nilang mga events para sa Season 95 sanhi ng novel coronavirus (COVID-19).

Ito ang inihayag ni NCAA Management Committee chairman Peter Cayco ng season host Arellano University sa naging panayam dito noong Sabado ng hapon sa isang programa sa istasyon ng radyo ng ABS CBN na DZMM.

Ayon kay Cayco, inirekumenda na nila sa Policy Board ang pagtapos o terminasyon ng kasalukuyang season.

“Actually we proposed to the Policy Board to cancel na the rest of the season. We are still awaiting approval,” pahayag ni Cayco.

Mikee Cojuangco-Jaworski, chair ng Coordination Commission ng Brisbane 2032

“But in the meantime, we were overtaken by the declaration of a lockdown. So we still have enough time to contemplate what to do. But for us in the Management Committee, we have decided to recommend the cancellation for the rest of the season because it will eat up to Season 96,” dagdag nito.

Ang NCAA Policy Board ay kinabibilangan ng 10 presidente ng mga miyembrong eskuwelahan ng liga na Arellano, Colegio de San Juan de Letran, De La Salle-College of Saint Benilde, Emilio Aguinaldo College, Jose Rizal University, Lyceum of the Philippines University, Mapua University, San Beda University, San Sebastian College-Recoletos, at University of Perpetual Help System DALTA.

Sinabi din ni Cayco na nakikipag ugnayan din ang NCAA sa University Athletic Association of the Philippines (UAAP)hinggil sa mga hakbang na dapat nilang isagawa sa harap ng kasalukuyang krisis.

“We consult each other, continuously exchange ideas with them. We have different approaches but we consult each other,” wika pa ni Cayco.

Ang mga second semester events na maapektuhan kung sakali ng terminasyon ay ang Indoor Volleyball, Football, Lawn Tennis, Soft Tennis, Track and Field event, Under-15 Basketball at Beach Volleyball gayundin ang Cheerdance competition.