TINANGHAL na Most Valuable Player (MVP) ng UAAP Season 82 High School basketball si Jake Figueroa.

Ginanap ang awarding ceremony nitong Lunes bago isinagawa ang Game 2 ng best-of-three championship sa pagitan ng Nazareth School of National University at Far Eastern University- Diliman sa FilOil Flying V Center.

Naitala ng 6-foot-2, Grade 11 forward ang averaged 13.2 puntos, 14.1 rebounds, 3.1 assists, 1.7 steals, at 1.2 blocks sa elimination round para sa kabuuang 73.0 statistical points.

'Aapela raw!' John Amores 'di tanggap pagkawala ng professional license?

“Masaya lang ako kasi rookie pa lang ako, naipapakita ko na ang talento ko sa basketball,” pahayag ng 17-anyos na si Figueroa.

Pinangunahan ni Figueroa ang Adamson sa third place finish.

Siya ang unang player mula sa Adamson na naging MVP sa liga mula nang magwagi si Mark Juruena noong Season 71.

Kasama niya sa Mythical Team sina Ateneo High School’s Josh Lazaro at Lebron Lopez; National University’s Kevin Quiambao; at University of the Philippines Integrated School’s Aldous Torculas.

Naitala ni Lazaro ang averaged 13.3 points, 13.0 boards, 1.9 assists, 1.4 steals, at 1.0 block para sa kabuuang 66.73 SPs, habang si Lopez ay may averaged 16.2 points, 9.6 rebounds, at 2.7 blocks per contest para sa 66.21 SPs.

Kumasa si Quimbao, lalaro sa kanyang huling season sa Bullpups, ng 12.6 points, 9.7 rebounds, 1.9 assists, at 1.4 blocks para sa 66.14 SPs, kasunod si Torculas na may 11.6 points, 15.2 rebounds, 3.5 assists, 2.3 steals, at 2.3 blocks per contest para sa 65.57 SPs.