NAIPUWERSA ng second-ranked Bacoor ang winner-take-all laban sa No.3 seed Basilan-Jumbo Plastic sa dominanteng 80-69 panalo sa Game 2 ng kanilang best-of-three semifinals match up sa 2020 Chooks-to-Go MPBL Lakan South Division nitong Huwebes sa Strike Gymnasium sa Bacoor City, Cavite.

Nanguna si Ian Melencio sa Strikers sa naiskor na 17 puntos at apat na steals.

Maagang nakontrol ng Bacoor ang momentum at nahila ang bentahe sa pinakamalaking 27 puntos, 37-10.

Nakabawi ang Steel sa krusyal na sandali sa matikas na 25-10 blast para sa 76-69 may 1:21 sa laro.

Dalawang Pinoy mountaineers, sumakses sa tuktok ng Mt. Everest

“Their press kind of rattled us but I think yung preparation namin worked for the first three quarters,” pahayag ni Bacoor coach Chris Gavina.

Kumana si Michael Mabulac ng 14 puntos at 19 rebounds, habang tumipa si Mark Montuano ng 15 puntos at pitong rebounds sa Bacoor.

Gaganapin ang do-or-die Game Three ngayon sa parehong venue.

Samantala, umusad sa South Finals ang Davao Occidental-Cocolife matapos pabagsakin ang No.5 seed Zamboanga-Family’s Brand Sardines.

Iskor:

(Unang Laro)

Bacoor City (80) -- Melencio 17, Montuano 15, Mabulac 14, Pangilinan 10, Ramirez 8, Destacamento 6, Cañete 5, Sumalinog 3, Demusis 2, Acuña 0, Andaya 0.

Basilan-Jumbo Plastic (69) -- Bulanadi 16, Uyloan 15, Dumapig 11, Palencia 7, Manalang 5, Collado 4, Bautista 4, Bringas 4, Gabo 2, Daa 1, Sorela 0, Dagangon 0, Hallare 0.

Quarterscores: 20-6, 43-21, 66-44, 80-69.

(Ikalawang Laro)

Davao Occidental-Cocolife (62) -- Mocon 14, Saldua 8, Forrester 8, Calo 6, Custodio 5, Balagtas 5, Robles 5, Gaco 5, Yee 4, Terso 2, Albo 0

Zamboanga-Family’s Brand Sardines (58) -- Roño 15, Asistio 14, Santillan 12, Pasaol 9, Arboleda 5, Villamor 3, Morido 0, Thiele 0, Bonsubre 0, Manzo 0, Reyes 0, De Vera 0