NAUNGUSAN ng University of Santo Tomas ang National University, 1-0, sa UAAP Season 82 Men’s Football Championship nitong Huwebes sa Rizal Memorial Football Stadium.
Naisalpak ni rookie Stephen Marasigan ang winning goal sa ika-81 minuto ng laro.
“At least kahit papano nakakuha kami ng 1-0, kahit tight siya,” pahayag ni UST coach Marjo Allado. “Kailangan namin i-organize ulit yung team and then questionable talaga dun yung match fitness.”
Naging dikdikan ang laban dahilan para mabigong makaiskor ang magkabilang panig bago ang ispesyal na goal ni Marasigan.
