DUBAI, United Arab Emirates (AP) — Matapos ang makapigil-hiningang duwelo para makarating sa championship round, naging madali na kay top-ranked Novak Djokovic ang laban kay Stefanos Tsitsipas, 6-3, 6-4, nitong Sabado para makopo ang ikalimang Dubai Championships.
Napanatili ng 17-time Grand Slam champion ang matikas na kampanya sa pagsisimula ng taon matapos magwagi sa inaugural ATP Cup kasama ang Serbian team at angkinin ang makasaysayang ikawalong Australian Open title.
Sa nakamit na 79th career title, lumapit si Djokovic nang liamgn torneo para pantayan si Rafael Nadal sa career-winning record. Kasalukuyang nasa Acapulco si Nadal para sa Mexican Open final kontra American Taylor Fritz.
‘Messenger.com,’ hindi na magagamit simula Abril 2026
Nitong weekend, halos malagay sa balag ng alanganin ang hataw ni Djokovic sa pahirapang laro kontra Gaël Monfils sa semifinals kung saan kinailangan niyang ma-saved ang tatlong match points bago sumagitsit para mahila ang head-to-head duel record sa 17-0 laban sa French veteran.
Sa Finals, higit na komportable sa laro si Djokovic.
“I’m trying to embrace the moment and appreciate where I am,” pahayag ng 32-anyos na si Djokovic.
“This has been one of the best starts of all the seasons I had in my career. I feel great on the court. I’ve been playing great tennis on the hard courts. That is my most successful and preferred surface.”
Tanging si 20-time Grand Slam champion Roger Federer, nagpapagaling sa tinamong knee operation, ang tumalo kay Djokovic sa Dubai final noong 2015.
“I’m just grateful that I’m playing well, feeling well,” pahayag ni Djokovic .“I try not to think about predictions.”
