UAAP Season 82, kinansela dahil sa CoV-Balita

UAAP Season 82, kinansela dahil sa CoV

KINANSELA ng pamunuan ng University Athletic Association of the Philippines (UAAP) ang lahat ng Nakatakda sanang mga sports events para sa UAAP Season 82 nitong Sabado -- kaugnay ng kasalukuyang outbreak ng novel-coronavirus (2019 n-CoV).

Isinaalang-alang ng pamunuan ng liga ang kaligtasan at kapakanan ng mga teams, players, officials sampu ng mga fans sa kanilang desisyon.

“The University Athletic Association of the Philippines upholds, in the highest regard, the well- being, health and safety of the League’s community- players, coaches, students, their families and fans in general,” nakasaad sa inilabas na statement ng liga na nilagdaan nina UAAP President Emmanuel Fernandez at Executive Director Atty. Rene Saguisag, Jr.

“In light of the COVID-19 outbreak, the UAAP, after thorough deliberation by the Board of Trustees and the Board of Managing Directors, have come to a decision to postpone all sporting events starting Saturday, 15 February.”

Kabilang sa mga nakanselang events ay ang ongoing high school beach volleyball playoffs, high school basketball (girls’ elims and boys’ semis) at ang opening ng football, softball, baseball, athletics, judo at ang centerpiece ng second semester na volleyball.

Ang pagpapatuloy ng mga ongoing events at ang opening ng iba pang sports ay iaanunsiyo na lamang nila sa mga susunod na araw.

Nag-release na pareho ang Department of Education at ang Commission on Higher Education ng kani-kanilang guidelines at information campaign hinggil sa nakakaalarmang paglaganap ng N-CoV kasunod ng rekumendasyon ng Department of Health.

Kabilang sa guidelines ng DepEd at ng CHED ang rekumendasyon ng Department of Health na umiwas sa pagdalo o pagsali o kaya’y mag-organisa ng events na dadaluhan ng maraming tao.

“The UAAP will be closely monitoring the country’s situation in relation to the COVID-19 outbreak in order to determine the resumption of the games,” ayon pa sa statement.

“We ask for your understanding and your prayers for the safety of our community, our nation and all countries affected by this outbreak.”

-Marivic Awitan

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...