Pinataob ng Davao Occidental Tigers ang Marikina Shoemakers 85-83 upang pagharian ang Southern Division ng eliminasyon ng 2019-2020 Maharlika Pilipinas Basketball League (MPBL)-Chooks-to-Go Lakan Cup sa San Andres Sports Arena sa Malate, Manila.

Buhat sa 76-81 kalamangan ng Shoemakers, sumandal ang Tigers sa tres ni Emman Calo na siya rin pumigil kay Yves Sazon sa huling 1:17 ng labanan.

Nagbigay ng kanyang 13 puntos si Calo na katuwang Mark Yee na may 11 puntos at 14 rebounds, tatlong assists, isang block at isang steal para sa 26-4 win-loss ng Davao.

Nagwagi din ang Manila Stars kontra Zamboanga Family Sardines, 74-71, kung saan nakuha nila ang ikalawang puwesto sa Northern Division tangan ang 25-5 rekord.

Filipino Olympian Hergie Bacyadan wagi kontra Chinese kickboxer; sinungkit gintong medalya

Sa ibang laro, tinambakan ng General Santos Warriors lider na na Sarangani Marlins, 104—87.