Pinadapa ng Emilio Aguinaldo College sa pangunguna ni Danrich Melad ang Lyceum of the Philippines University, 25-20, 25-23, 25-17, kahapon upang umangat sa ikalawang puwesto sa men’s division ng NCAA Season 95 Men’s Volleyball Tournament sa FilOil Flying V Centre sa San Juan.

Tumapos si Melad na may game-high 21 puntos upang giyahan ang Generals sa kanilang ika-4 na sunod na panalo kasunod ng namumunong University of Perpetual (5-0).

“Maganda [naging performance namin] kasi ‘yung prinactice namin lumabas,” wika ni Generals head coach Rod Palmero. “Although medyo tight, alam naman namin na hindi gan’un kadaling talunin ‘yung Lyceum pero na-handle nila ng maayos dahil napagaralan namin ng mabuti.”

Nag-ambag naman si EAC captain Joshua Mina sa nasabing panalo ng 12 puntos bukod pa sa 13 excellent digs.

Dalawang Pinoy mountaineers, sumakses sa tuktok ng Mt. Everest

Gayunman, naniniwala si Palmero na marami pa silang dapat ayusin sa kanilang laro.

“Siyempre [ii-improve namin] kahinaan namin. Alam natin na hindi pwedeng tumigil, pininipilit namin makuha muna ang unang objective namin para pagdating namin doon sa final objective namin which is umabot sa championship eh makuha namin”.

Dahil.sa kabiguan, bumagsak ang Pirates sa markang 1-4, panalo-talo.