GINIBA ni Novelty Chess Club Board of Director Dandel Fernandez ng Pilipinas si Grandmaster Monika Sockoo ng Poland para makapuwersa sa three-way tie sa first place kina eventual champion GM Bartosz Socko ng Poland at International Master Mokliss El Adnani of Morocco sa katatapos na Fischer Random Chess-Sharjah nitong Biyernes sa Sharjah Chess Club sa Sharjah, United Arab Emirates.
Nakalikom ang tatlo ng tig 6.0 points sa 7 rounds of play. Nakopo ni Bartosz ang titulo at korona sa 10 minutes plus 5 seconds increment time control format matapos ang superior quotient na may 31.5 points kontra kina Mokliss 31.0 at Dandel 27.5.
Nanguna naman si International Master Oliver Dimakiling ng Pilipinas sa huge group ng 5.5 pointers na kinabibilangan nina International Master (IM) Olga Zimina ng Italy, Woman International Master (WIM) Oliwia Kiolbasa ng Poland, Woman Grandmaster (WGM) Josefine Heinemann ng Germany, Woman International Master (WIM) Dinara Dordzhieva ng Russia at Woman Grandmaster (WGM) Nguyen Thi Mai Hung ng Vietnam.
Ating magugunita na si Dandel na isang Maynilad Water Employee at 2019 Executive Grand Prix Overall top notcher ay nakamit ang second spot na may 8.0 points, kalahating puntos ang dikit sa likuran nu eventual champion Candidate Master (CM) Duane Rowe ng Jamaica (8.5 points) sa 8th Abu Dhabi Classic Chess Tournament-FIDE rated na ginanap sa Abu Dhabi Chess and Culture Club sa Abu Dhabi, United Arab Emirates nitong Enero 4, 2020.
