BALIK trabaho na ang Philippine Sports Commission (PSC).

Sa kanyang mensahe sa mga empleyado at ilang miyembro ng National team na nanunuluyan sa Rizal Memorial Sports Complex sa unang ‘flag-raising’ sa bagong taon, sinabi ni PSC chairman William “Butch” Ramirez na mas paiigtingin ng ahensiya ang programa sa elite at grassroots.

Ayon kay Ramirez kailangan lamang na ipagpatuloy ang pag-abot sa pangarap kahit pa anong estado ng ating buhay.

“Life is beautiful despite the many challenges. My advice to my colleagues in the PSC -- live your life well with your family. Despite who we are, we should continue to chase our dreams for the betterment of Philippine sports,” pahayag ni Ramirez.

Mikee Cojuangco-Jaworski, chair ng Coordination Commission ng Brisbane 2032

Dumalo sa nasabing flag raising ceremony sina commissioner Charles Maxey, Celia Kiram at Arnold Agustin kasama si Executive director Merlita Ibay.

Iginiit din ni Ramirez na mas iigtingan pa ng ahensiya ang suporta para sa mga atletang Pinoy.